ف عالم الصمت .. تحكي الحروف

[درب الهوى]

سافري
مثل الدخان
لى تشكل بك غيوم
وابتدأ
يمطر عزاه
حروف
وشعور

وياقوم
ما قدر يقوى
يقوم
شاعرٍ يكتب خياله
ويتحدث دوم
لكن مع ظلاله

اتركيه
اتركيه
ماعلى الميت نزاع
التياع الحزن
بالحزن
التياع
اتركيه
مالك ومال .. التياع

وان نثرت الشوق
شاطي
ثم توطتك المواطي
لا يهمك
يا ...........
خفوقي
لو وطاك
اليوم ... واطي
منت
واطي

يا جنون الشعر
عفواً
اسمعوا هذا الجنون
الكلام عيون
والدفتر
خيال
فيه فارس
مامسك بيديه سيف
يعرف وش معنى
ما يعني ( الوليف )
لى تطاير
كل سرب من نوارس
وابتدأ هالليل قارس
لملميني
لو هي لحظه من ضياعي
و اتركيني
لو هي لحظه عن لياعي



ما اقوله

كل ماجا فيني
بلحظه
مهبوله

فــ..........
افهميني

[درب الهوى]

الزين ماهو بالمثايل والاوصاف
الزين زين الروح لى جات به روح
يعني تغيب اطياف وتسافر اطياف
وكلٍ ينادي لمالكه يووه مجروح
يا ترف يا غنوج يالذرب يالشاف
مل الكلام وصاحبك كله جروح
متى تجي يامتعب القلب بانصاف
و اشوف زول من حلا الروح مملوح
علمتني بان الهوى كله اعراف
وعلمتك ان الهوى قلب مطروح
يا متعبٍ قلبي من البعد لاتخاف
سرك في بير ولاهو اليوم مفضوح
اهواك انا واموت بك حد الاسراف
واغني بطيفك معَ هبه الدوح
يا نجمي اللي عاليٍ فوق ما انشاف
متى اشوفك تبني بارضي صروح
يا طيفي اللي طاف فيني ولا طاف
يكفي الم يامتعب الروح وتروح
قرب تعال وخلني اثمل .. بزاف
بالمغربي .. يامالك الحسن والروح

[درب الهوى]

عبيري الفتان ادماني الشوك
ولى تفتق جرح جيته اعصبه
لو كل مشروكٍ من الناس مبروك
ماقلت قلبي خص للي يخص به
ياخوك لو تدري عن الحب ياخوك
مالمت قلب الحب فيه وبخص به
علوك يعني شي عادي ان علوك
لانك تغلي كل شي ان رخص به
يا صاحبي عذالنا بيوم لى جوك
قم قل لهم خصبه به الروح خصبه
يا صاحبي قل للملا كيف شافوك
وانت البعاد اللي به الروح غص به
لابوك ياهالحب او لابولابوووك
لى جيت مره فرح جبت النغص به
درب الهوى ياصاح ماهوب متروك
واعزتي للي مشى وانقرص به
ياوردي اللي من شذى الورد سمّوك
قل للورود شلون قلبي انرقص به
وانا الذي حرٍ ولا كنت مشبوك
وبرمشها مشبوك لو مالقفص به.

[درب الهوى]

الصوره استعرناها من احساس اختنا ( هدى)

ياعشقي اللي من خيال
:
:
متى تمر بواقعي !!
وتدفن الم مواجعي
لى صارت انفاسك معي
حس وجعي
وارسم لي البسمه ولو
ياعشقي الغايب
خيال
تعال واحييني تعبت
ياحبي العايش خيال
تعال ياحبي تعال
الموت والله صدتك
ياحبي الباقي .. خيال
حتى ولو انك خيال
كافي .. تعال
وارسم لي الشوق
الحنين
واكسر الم طول
السنين
ياحبي الاول
خيال
تكفى
تعال ...
حتى ولو هو
بالخيال
يمكن احس بوقت
حلم
لحظه
تترجمها .... وصال

وينك ..!!
تعال
:
:
الليل توه .. ب اوله
واحساسي الغايب .. يبيك
ماهو بحمل : مطوله
تعال خذني .. وابتعد
ل ابعد مسافات الخيال
تعال ياقلبي .. بعد
ماطاح قلبي وانكسر
تعال
يكفيني انتظر
وانت السهر
وانت الشعر
تعال
يكفيني احتضر
تعال وينك .. يالحبيب
او تنتظر
تشوف اوجاعٍ ..تمر
لى طال بالليل السهر
تعال
ياقلبي ... تعال.